Croeso i wefan Menter Iaith Gwynedd

Ein nod ydy cynyddu defnydd y Gymraeg ledled Gwynedd. Anelwn i wneud hyn drwy sicrhau fod gan bawb gyfleoedd i ddefnyddio’r Gymraeg ym mhob rhan o’u bywydau.

Rydym yn credu bod y Gymraeg yn gallu perthyn i bawb a bod angen magu’r ymdeimlad yna o berthyn i’r iaith, ac i’r ardal, er mwyn cynyddu defnydd y Gymraeg ar draws ein cymunedau.

Rydym yn datblygu cynlluniau ar y cyd â chymunedau a phartneriaid, fydd yn:

• lledaenu negeseuon cadarnhaol am y Gymraeg
• rhoi cyfleoedd i bobl ddefnyddio’r Gymraeg yn naturiol mewn cyd-destunau newydd ac amrywiol
• rhoi cyfleoedd ymarfer a magu hyder i’r rhai sy’n llai parod i siarad neu sydd yn siaradwyr newydd
• cynnig cefnogaeth i fudiadau, clybiau, grwpiau gwirfoddol a chynrychiolwyr cymunedol i sicrhau fod y Gymraeg yn ganolog o fewn ein cymunedau
• codi ymwybyddiaeth a dealltwriaeth o’r rôl sydd gan bawb i chwarae wrth gynnal yr iaith, ac i ledaenu’r balchder yn y Gymraeg fel iaith fyw.

Os oes gennych gwestiwn am ein gwaith neu os ydych yn awyddus i wybod mwy yna cysylltwch.

Cysylltu

Nifer o siaradwyr Cymraeg 2021 (yn ôl oed)