Dysgu ac Ymarfer Cymraeg

Adnoddau i Ddysgwyr a Siaradwyr Newydd

Sut Mae Mynd Ati i Ddysgu Cymraeg

Mae iaith yn fwy na dim ond geiriau. Mae’n ddealltwriaeth o ddiwylliant, hanes, hiwmor, cymuned, a’r syniad o le a pherthyn. Mae dysgu iaith newydd yn rhoi mynediad i fwy o bobl, mwy o gyfleoedd, a mwy o safbwyntiau, ac mae dysgu Cymraeg yn awr yn haws nag erioed.
 

Cyn i chi ddechrau, ystyriwch:

1 - Arddull ddysgu - Mae pawb yn dysgu mewn ffordd wahanol. Dewiswch ddull sy’n addas i chi.

2 - Ffordd o fyw - Sefydlwch gynllun dysgu sy’n cyd-fynd â’ch amser rhydd a’ch ffordd o fyw.

3 - Ffocws - Dechreuwch drwy ddysgu geiriau a brawddegau sy’n berthnasol i’ch bywyd, eich diddordebau, a’ch anghenion chi.

4 - Dechrau - Defnyddiwch eiriau a brawddegau newydd ar unwaith; does dim angen i chi fod yn rhugl i ddechrau siarad iaith. Dechreuwch gydag un gair ar y tro.

5 - Pam? - Gall rheswm clir a deniadol dros ddysgu ddarparu cymhelliant a phwrpas, gan gynnal eich cynnydd trwy gyfnodau mwy heriol.
 

Isod mae rhestr o wahanol ffynhonellau dysgu i’ch helpu ar ddechrau eich taith.

Cyfunwch rai o’r rhain i weld y cynnydd mwyaf yn eich dysgu.
 

• Dysgu Cymraeg – Gwasanaeth sy’n cynnig amrywiaeth o wersi Cymraeg, ffurfiol.

• Nant Gwrtheyrn – Canolfan sy’n cynnig gwersi Cymraeg a chyrsiau preswyl.

• Say Something In Welsh – Gwefan sy’n cynnig adnoddau i ddysgu Cymraeg.

• We learn Welsh - Gwefan sy’n cynnig adnoddau i ddysgu Cymraeg.

• Doctor Cymraeg - Gwefan sy’n cynnig adnoddau i ddysgu Cymraeg.

• Beth Yw'r Gair Cymraeg Am...? – Adnodd gan Lywodraeth Cymru i helpu gyda geirfa Cymraeg.

• Welsh Plus – Sianel Youtube sy’n dysgu sut i ynganu llythrennau a geiriau Cymraeg.

• Helo Blod – Gwasanaeth cyfiaethu professiynnol am ddim.

• Duolingo – ‘App’ poblogaidd sy’n cynnig gemau hwylus i ddysgu geirfa a gramadeg.

• Gweithgareddau i Gefnogi Dysgwyr – Rhestr o wiethgareddau i ddysgwyr yng Ngwynedd.

• Hwb Cymraeg Dwyfor – Tudalen sy’n hysbysebu cyfleon i ymarfer eich Cymraeg yn Nwyfor.

• S4C – Sianel deledu gwbwl Gymraeg sy’n cynnig amrywiaeth o raglenni.

• BBC Radio Cymru – Sianel Radio gwbwl Gymraeg sy’n cynnig rhagleni a cherddoriaeth amrywiol.

• Spotify – ‘App’ cerddoriaeth poblogaidd gyda rhestrau chwarae amrywiol Cymraeg.

Dyma unigolion a theuluoedd o pob rhan o Wynedd sydd wedi dysgu Cymraeg.

Llongyfarchiadau anferthol i Carrie, Richard ac Anthea, Danielle, Sarah, Amy, Clare a’i theulu. Mae pob un ohonynt yn esiampl o’r hyn sy’n bosib.

Mae’r ffordd y mae nhw wedi dewis cymhathu i’r gymuned yma yng Ngwynedd yn wych. Mae un peth yn gyffredin ym mhrofiad pob un ohonynt; mi agorodd drysau a chyfleodd di-ri iddyn nhw wedi iddyn nhw ddysgu. Cafodd eu bywydau eu cyfoethogi mewn ffyrdd na wnaethon ddychmygu. Mae posib i unrhyw un ddysgu Cymraeg. Os oes awydd gen ti cysyllta â Dysgu Cymraeg.

Os wyt ti’n barod yn dysgu Cymraeg ac eisiau cyfle i ymarfer dy sgiliau, yn ogystal â dod i adnabod siaradwyr Cymraeg, mae yna lwyth o gyfleoedd yng Ngwynedd, dilyna Menter Iaith Gwynedd a Menter Iaith Bangor ar Facebook am y newyddion diweddaraf, neu e-bostia post@menteriaithgwynedd.cymru

Diolch yn fawr iawn i’r holl grwpiau ac unigolion sy’n cynnal digwyddiadau sy’n cynnig cyfleoedd i bobl ymarfer eu Cymraeg, os hoffet helpu yn un o’r digwyddiadau hyn neu os wyt efo diddordeb mewn dechrau grŵp yn dy ardal- cysyllta efo ni!

Dysgu a Mwynhau yn y Gymraeg – Carrie Rimmes

Stori Richard ac Anthea

Stori Danielle

Stori Sarah

Stori Amy

Teulu Rhydymain a’u profiad o’r ganolfan drochi

Cynllun 'Hapus i Siarad'

Mae prosiect “Hapus i Siarad” yn rhoi cyfle i ddysgwyr Cymraeg gael sgwrs mewn busnes lleol sy’n hapus i siarad. Mae busnesau’n rhan bwysig o’n cymunedau a’n bywydau bob dydd ac felly’n lleoliadau gwych i siarad Cymraeg.

Mae busnesau lleol sy’n awyddus i fod yn rhan o’r cynllun wedi derbyn poster a syniadau am sut i annog pobl, yn enwedig dysgwyr, i siarad Cymraeg a magu hyder. Felly, cadwch lygaid ar agor am y posteri!

Mae nifer o fusnesau yn Y Bala, Bethesda, Caernarfon,  Y Felinheli, Dolgellau, Porthmadog, Nefyn a Phwllheli wedi cytuno i fod yn rhan o’r cynllun. Galwa i’w gweld, cei groeso a chyfle i ymarfer dy Gymraeg.

Cyfleodd i Sgwrsio yn Gymraeg yn y Gymuned

Dyma’r cyfleodd sydd yna i ddysgwyr Cymraeg ymarfer eu sgiliau sgwrsio a dod i adnabod cymunedau Cymraeg eu hiaith ym mhob rhan o Wynedd.  Da ni’n gwybod nad ydi’r rhestr yn gyflawn, siŵr fod yna lawer sy’n mynd ymlaen na wyddwn ni amdano felly rhowch wybod am unrhyw weithgareddau eraill sydd heb eu cynnwys